Атуризм Аминистрра Ахада Ҭеимураз Хышбеи Елена Лысенковаи инҭкааны ирылацәажәеит атуризм аганахьала Аҧсни Урыстәылеи русеицура азҵаарақәа жәпакы. Москваҟа иныҟәараан Ҭеимураз Хышба ихы алаирхәит Урыстәылатәи атуристтә форум «Уныҟәала».
Аҧсны атуризм аминистр Ҭеимураз Хышба дылҧылеит Ростуризм ахада ихаҭыҧуаҩ Елена Лысенкова. Хышбеи Лысенковаи рылацәажәеит Аҧсны атуризм арҿиара амҩақәа. Ростуризм ахада ихаҭыҧуаҩ иазгәалҭеит, Аҧсны атуристтә лшарамчқәа шамоу, хыҧхьаӡара рацәала ҳтәылахь рхы шдырхауа. «Аҧсны алшарақәа зегь амоуп атуристцәа рхыҧхьаӡара акырӡа ашьҭыхразы», – лҳәеит лара.