Урыстәылатәи Афедерациа ашәарҭадара Ахеилак аппарат апресс-маҵзура аҟнытә ТАСС ахь адырраҭара злаҟарҵаз ала, Бжьаниеи Нургалиеви арегионтә шәарҭадара азҵаарақәеи Аԥсны асоциал-економикатә рҿиареи ирызкны ргәаанагарақәа еибырҳәеит.
«Иааиуа атуристтә аамҭа ҳасаб азуны, ирылацәажәеит Аԥсныҟа ԥсшьара иаауа Урыстәылатәи атуристцәа ршәарҭадара алыршара азҵаарақәа», – иазгәарҭеит Урыстәылатәи Афедерациа ашәарҭадара Ахеилак аҟны.