Акыр иаԥсоу ҳтәылауаа! Гәык-ԥсыкала Аԥсны ақьырсианцәа ишәыдысныҳәалоит Христос Игылара, Мшаԥныҳәа ду.
Акыр шәышықәсақәа раахыс адунеи зегь аҟны аиԥш, Аԥсны иахыҩуеит Христос Игылара иазку ажәабжь хазына. Уи ауаа абзиахь рхы архоит, аԥсҭазаара иақәгәырӷьо иҟанаҵоит.
Абри аныҳәа лаша аҽны ҳара иааҳарԥшуеит агәшаҭара, иаҳзааигәоу рыгәцаракра, ҳадгьыл гәакьа ашҟа гәык-ԥсыкала абзиабара. Аԥсҭазаара нҵәара шақәым агәра гауа, иаԥаҳҵоит аҭаацәарақәа, аус аауеит, ахәыҷқәа ҳааӡоит, Аԥсны аиҭарҿиаразы аҭагылазаашьақәа еицаԥаҳҵоит. Абри аныҳәа аҽны дарбанзаалак игәаланаршәоит ауаҩы ибзиабара, ихьаа ицеиҩшара, наҟ- ааҟ аҳаҭыреиқәҵара, аиҳабацәа ҳаҭырла рбара.
Абри аныҳәа лаша иацу ацқьара, агәыразра неиааит дарбанзаалак игәаҵаҿы, ҩнаҭацыԥхьаӡа, Ҳазшаз ҳихьчааит.
Христос Дгылеит!
Аԥсны Жәлар Реизара Аиҳабы Лаша Ашәба ақьырсианцәеи Мшаԥы азгәазҭауа атәылауаа зегьи ирыдиныҳәалеит Христос Игылара Лаша.
Ҳаҭыр зқәу Аԥсны атәылауаа! Акыр иаԥсоу аҩызцәа! Аԥсны Жәлар Реизара ахьӡала гәык- ԥсыкала ақьырсианцәа зегьы ирыдысныҳәалоит Мшаԥныҳәа ду!
Мшаԥы лаша ныҳәа аԥсҭазаара иасимволуп, ауаа рыгәқәа арҭәуеит гәырӷьарыла, бзиабарыла.
Аиашахаҵара ныҟәызго дарбанзаалак ақьырсиан изы акырӡа аҵанакуеит Ҳаиқәырхаҩ иҭынха аиқәырхара, адоуҳатә малқәа рыхӡыӡаара, реихаҳара. Мшаԥы лаша еснагь иарлашалааит шәара шәымҩа, аҭоурых дацԥашәқәа, атрадициа ҵаулақәа реилкаараҿы ишәыцхраауеит, – иазгәаҭоуп адныҳәалараҿы.