Ауахәама аиҭашьақәыргылара иаҿын хышықәса. Ахаҳә ҧҽыхақәа ирылхны ақыҭа уахәама ргылан Тамшь ақыҭа ииз-иааӡаз, иахьа Аҧсны Жәлар Реизара адепутатс иҟоу Резо Занҭариа иҟаиҵаз ацхыраареи адгылареи ирыбзоураны.
Аусмҩаҧгатә рхы алыдырхәт Аҧсны Ахада Аслан Бжьаниа иҧшәмеи иареи. Аҳәынҭқарра Ахада ауахәама ҳамҭас иаиҭеит Абиблиа.
Анцәаиҳәараҿы иҟан Тамшь ақыҭа иалҵыз, иара убас ауааҧсыра.