Урыстәыла адәныҟатәи аусқәа Рминистрра аофициалтә хаҭарнак Мариа Захарова иазгәалҭеит, ари «жәларбжьаратәи азин еилазгауа адискриминациатә практика шыҟалаз Евроеидгылеи Шенгентәи азона иаҵанакуа аҳәынҭқаррақәеи рзакәанԥҵарақәа ирыхәҭакны».
Захарова идеиллыркааит абарҭ авизатә «санкциақәа» уаҩымрас ирылоу убри ауп, урҭ ауаҩы изинқәа еиларгоит. Абасала, Евроеидгыла ганкымацарала иармаҷуеит миллионҩыла ауаа ԥықәсларада рныҟәара.
Захарова илҳәеит Урыстәыла алшарақәа зегьы ахы ишанархәауа иара атәылауаа ринтересқәа рыхьчареи урҭ рзакәантә зинқәеи ралыршаразы.