Ишәыдысныҳәалоит шәзанааҭтә ныҳәа!

Аԥсны ашәахтәқәеи аизгақәеи рминистрреи уи араионтә ҟәшақәеи аҳәынҭқарраҿы ихадоу ароль нарыгӡоит, атәыла абиуџьет иҭышәынтәаланы ахарҭәаара алдыршоит, асоциалтәи аекономикатәи программақәа рынагӡаразы ашьаҭа аԥырҵоит.

Шәара шәусуреи, шәзанааҭдырреи  ирхьыԥшуп ҳтәыла афинанстә система аҭышәынтәалареи аҿиареи.

Иазгәаҭатәуп ашәахтә усбарҭақәа русураҿы адинамика бзиа, аусура алҵшәа аманы иҟазҵо ҳаамҭазтәи азнеишьақәеи атехникатә ҿыцрақәеи алагалахоит.

Иҭабуп ҳәа шәасҳәоит шәусура  ламысцқьала, гәык-ԥсыкала шәахьазыҟоуи шәзанааҭдырра ахьыҳаракуи рзы.

Ишәзеиӷьасшьоит агәабзиара, аманшәалара, аринахысгьы ақәҿиара дуқәа, Аԥсны Аҳәынҭқарра аизҳазыӷьаразы аихьӡара ҿыцқәа!»