«Апроект алҵшәа бзиа аманы ишыҟоу шьақәнарӷәӷәеит. Иара абаҩхатәра злоу, зхатә гәаанагара змоу ауаа раарԥшреи, анапхгараҭара акадртә резерв ашьақәыргылареи рзы хра злоу мыруганы иҟалеит. Аицлабра иҳанаҭеит аҭакԥхықәра зхахьы агара зылшо, атәыла аҿиаразы аусура иазхиоу ауаа», - ҳәа азгәеиҭеит атәыла ахада I Жәларбжьаратәи аекономикатә форум аартра ацеремониаҿы.

Аҳәынҭқарра ахада адҵа ҟаиҵеит аицлабра «Аԥсны Акоманда» аҩбатәи асезон аусура алагаразы аҽазыҟаҵара нап адыркырц. «Ари апроект аҿиара аиуроуп» - ҳәа инаҵшьны иазгәеиҭеит Гәынба.