Аҧсны Ахада аспортсмен идиныҳәалеит иигаз аиааира, иаҧхьаҟазы ақәҿиарақәагьы изеиҕьеишьеит. Иабжьеигеит иаҧхьаҟа изыҧшу аиндаҭлара даара ибзианы иҽшазыҟаиҵаша. Декабр азы Урыстәыла ачемпион ихьӡ аиуразы ҩаҧхьа Москва дықәгылараны дыҟоуп.

Атәыла Ахада дақәиргәыҕит зегьрыла адгылара ширҭо азы. "Ҧхьаҟа ицалатәуп, иаиааилатәуп", – иҳәеит Аслан Бжьаниа.

Аспортсмен зыҟаҵаҩыс димоуп Алик Қарди-оглы. Аҵыхәтәан уи Аҳәынҭқарра Ахада иҭабуп ҳәа иеиҳәеит иааирҧшуа адгыларазы.