Аиҧылараҿы ишьҭырхит аҧсуа бызшәа арҿиара, аиқәырхара, Адунеизегьтәи аҧсуа-абаза конгресс инанагӡауа аҭҵаарадырра-культуратә, аспорттә уҳәа апроектқәа рыдгылара, рынагӡара азҵаарақәа. Аҳәынҭқарра Ахада иазгәеиҭеит аҧсуа жәлари абаза жәлари шаӡәыку, уи еиҳау акымзарак шыҟам. "Ҳкультуреи, ҳбызшәеи, ҳмилаҭреи – ари хәызмаӡам малуп. Уи еиқәырхатәуп иахьа адунеи аҿы иҟоу аҭагылазаашьа иахьмырҧшыкәа", – иҳәеит Аслан Бжьаниа.
Ҟарачы-Черқьестәи Ареспубликахь иныҟәара аан Аҧсны Ахада Аслан Бжьаниа диҧылеит Адунеизегьтәи аҧсуа-абаза конгресс Иреиҳаӡоу ахеилак ахантәаҩы Мусса Екзеков, – иаанацҳауеит Аҧсны Ахада ипресс-маҵзура.