«Ҳара иаабоит аусҳәарҭа аихьӡарақәа, иазгәасҭарц сҭахуп ашәахтәқәа реизгара аганахьала аҭагылазаашьа аиҕьтәра шалшаз. Уи иабзоурахеит шәара ишәымоу аџьа абзиабара, адыррақәа, аҧышәа, ашьцыларақәа. Абарҭқәа зегь рыла ашәахтәқәа рылхра ахаҭабзиара шьҭыҵит», – иазгәеиҭеит Владимир Делба. Уи иара убас Џьансыхә Нанба ҭабуп ҳәа иеиҳәеит ашәахтә усбарҭақәа рсистема аиҕьтәраҿы илагаламҭазы, аминистр ҿыц изеиҕьаишьеит арҿиаратә қәҿиарақәа, аихьӡара ҿыцқәа.

«Михаил Валери-иҧа даадыруеит 12 шықәса инареиҳаны аус зухьоу, аҧышәа змоу специалистк иаҳасабала. Агәра ганы сыҟоуп, Аминистрра аҿаҧхьа иқәгылоу ауснагӡатәқәа зегьы алыршахап ҳәа аколлективи шәареи шәусеицурала», – иҳәеит Нанба.

«Дарбанзаалак ҭабуп ҳәа иасҳәоит исзыҟаҵоу агәрагаразы. Агәыҕра сымоуп, аџьатә коллектив ду рыцхыраарала иарбоу ауснагӡатәқәа зегьы инхарҭәааны ишынагӡахо ала», – иҳәеит аминистр ҿыц.