Арҭ амшқәа рзы адунеи зегьы аҟынтәи 400-ҩык инареиҳаны хаҭалеи ҩыџьа-ҩыџьалеи адомино азы еиндаҭларц Барранкилио ақалақь аотель El Prado аҿы еизеит.

Аԥснытәи акоманда аилазаара нагӡаны ачемпионат ахь изымааӡеит, избан акәзар, акоманда ахәмарыҩ хада уи аамҭазы Лас-Вегас имҩаԥысуаз адомино азы адунеи ачемпионат далахәын. Ус ишыҟазгьы Аԥснытәи акоманда алҵшәа бзиақәа аанарԥшит. Ҭемыр Лакрбеи Виачеслав Касланӡиеи ҩыџьа-ҩыџьалатәи реицлабрақәа рҟны 22-тәи аҭыԥ ааныркылеит.

Хаҭалатәи азшьа азы Саид Ашәба аҵыхәтәантәи атур аҟынӡа днаӡеит, аха уаҟа даҵахеит, убри аҟнытә хаҭалатәи азшьақәа рҿы 20-тәи  аҭыԥ ааникылеит.  

Раԥхьаӡа акәны адомино азы адунеи ачемпионат рхы аладырхәит Аинар Какалиеи Виачеслав Касланӡиеи .

Акоманда ақаԥданс иҟоу, иагьазыҟаҵаҩу Саид Ашәба El HERAIDO  акорреспондент даниҿцәажәоз иазгәеиҭеит: "Атурнир даара иҳараку ҩаӡарала ишеиҿкаау».