Алхрақәа мҩаԥысуан Академиа Аԥҟаԥҵеи алхрақәа рзы Аԥҟареи инарықәыршәаны.

Маӡалатәи абжьыҭира алҵшәақәа рыла академикцәас иалхын: амедицинатә ҭҵаарадыррақәа рдоктор Зураб Миквабиа, афилологиатә ҭҵаарадыррақәа рдоктор Лили Ҳагба, атехникатә ҭҵаарадыррақәа рдоктор Анатоли Марколиа, апедагогикатә ҭҵаарадыррақәа рдоктор Алықьса Касланӡиа.

Аԥсны аҭҵаарадыррақәа Ракадемиа алахәыла-корреспондентцәас иалырхит аҭоурыхтә ҭҵаарадыррақәа рдокторцәа: Аслан Аҩӡба, Валери Бигәаа, амедицинатә ҭҵаарадыррақәа рдоктор Лали Коӷониа, аҭоурыхтә ҭҵаарадыррақәа рдоктор Омар Маан.

Аԥсны аҭҵаарадыррақәа Ракадемиа азеиԥш еилазаараҿы ирыдыркылеит иара убас Академиа иалнакаауа иранаршьо Ахатәы медал азы Аԥҟара.

Абасала Академиа азеиԥш еизара аусура хнаркәшеит.