Print this page

Аусуратә гәыԥ аилатәара

Жьҭаара 19, 2023 110

2023 шықәса октиабр  17,  Аԥсныпресс. Москва, ҩ-ҳәынҭқаррак рзакәанԥҵарақәа реишьашәалара ашьаҭала Урыстәылатәи Афедерациеи Аԥсны Аҳәынҭқарреи рыбжьара азеиԥш социалтәи аекономикатәи ҳәаақәҵара ашьақәыргыларазы апрограмма анагӡара азы аусуратә гәыԥ аилатәара мҩаԥысуеит.

 Аԥсны аганахьала аусуратә гәыԥ ацхантәаҩыс дыҟоуп Аԥыза-министр ихаҭыԥуаҩ, аекономика аминистр Кристина Озган, Урыстәыла аганахьала – Урыстәылатәи Афедерациа аекономикатә ҿиара аминистр ихаҭыԥуаҩ  Дмитри Вольвач.

 Аилатәара рхы аладырхәуеит Аԥсны агәабзиарахьчара аминистр Едуард Быҭәба, аҵара аминистр Инал Габлиа, ашәахтәқәеи аизгақәеи рзы аминистр Михаил Габелиа, асоциалтә еиқәыршәареи адемографиатә политикеи рминистр Руслан Аџьба, иара убас Аҳәынҭқарратә ҳазалхратә Еилакы, адәныҟатәи аусқәа Рминистрра, Амилаҭтә Банк уҳәа рхаҭарнакцәа.