Алеқсеи Сазанов иазгәеиҭеит, иҳаракынгьы ахә ишьеит ҳҳәынҭқаррақәа рфинанстә усбарҭақәа еилибакаарала русеицура, иҳәеит дшақәгәыӷуа аԥхьаҟагьы уи лҵшәа бзиала ишацҵахо.

Аиԥылараҿы ирылацәажәан аԥсуа-аурыстә еиҳабырабжьаратә еиқәшаҳаҭра апроект ахәҭақәа иреиуоу ҩынтәтәи ашәахтә ақәҵара аанкылареи ахашәалахәы иақәҵахо ашәахтә амшәара аԥырҟәҟәаареи рызҵаарақәа.