Атәыла ахада иӡбарала аҳәынҭқарратә ҭоурых-архитектуратә, археологиатә, аҭоурых-культуратә ҳәырԥсаррақәа рсиа харҭәаауп аобиект ҿыц ала,уи Мыркәылтәи аҭоурых-архитектуратә ҳәырԥсарра «Алаҳаш-абаа» ауп.
Аҳәырԥсарра шьҭоуп Алаҳаш аҳаблан Мыркәыла аӡиас армырахьтәи аԥшаҳәаҿы. Аобиект иалоуп анаҩстәи абаҟақәа ркомплекс:
Алаҳаш-абаа (III-XIV ашә.);
Ауахәама (IV ашә., XIV–XV ашә.);
Менгир (неолит, абжьарашәышықәсақәа);
Анышәынҭра (I ашә. ҳера ҟалаанӡа – I ашә.);
Афатә-ажәтә ашьҭаҵарҭа (III-VIII ашә.);
Абаа аҭӡамцқәа (III–IV ашә.; XIV-XV ашә.);
Абаа (III-IV ашә. ҳ. ҟ.; XIV–XV ашә.);
Археологиатә культуратә ԥшаахқәа (VIII ашә.ҳ.ҟ – XV ашә.).