Саратов аангылара кьаҿ (35 мин.) алаҵаны амҩа зегьы 5 сааҭки 40 минуҭи аҭаххоит. Абилеҭқәа рыҭира иалагахьеит: ахәԥса 7 511 мааҭ инаркны.

Иҳаҩсыз асезон иднарбеит ари ахырхарҭа азҿлымҳара шамоу, убри аҟынтә сынтәа ареис заа ибжьарҵоит.

«Аҟәантәи Ханты-Мансиискҟа ареисқәа раԥхьаӡа акәны ибжьалеит ҵыԥх, аԥхынразы. Ахырхарҭа апассаџьырцәа рҟытәи азҿлымҳара ду аиуит, убри азы сынтәа аԥырра ҳалагоит мшаԥымза анҵәамҭа инаркны. Агәра ганы ҳаҟоуп ишиашоу аҳаиреимадара Аԥсны ауааԥсыреи асасцәеи Иуграҟа рныҟәарақәа еиҳа иарманшәалар шалнаршо», – ҳәа ахҳәаа ҟаиҵеит авиаеилахәыра «РусЛаин» ахырхарҭақәеи аҭирақәеи рыкаҭа адепартамент адиректор Ростислав Петров.