Аҳәынҭқарра Ахада иазгәеиҭеит арадиоелектронтә аанкыларатә системақәа ирыбзоураны хәажәкырамза 5 рзы аҭыԥ змаз аԥырҩы дызҭам ахархәагақәа ржәылара шанкылаз.

«Уи алыршахеит Аԥсны Арбџьармчқәа рылшара ҿыцқәеи, Урыстәылеи ҳареи иҳабжьоу арратә усеицуреи ирыбзоураны», - ҳәа азгәеиҭеит Аҳәынҭқарра Ахада.

Гәынба инаҵшьны иазгәеиҭеит аҳауатә ҵакыраҿы ашәарҭадара ахылаԥшра ҷыда шамоу.

«Ҳколлегацәеи ҳареи ҳусеицара иацаҳҵоит, ашәарҭадара асистемақәа реиӷьтәра ҳаҿызаауеит», - иҳәеит Гәынба.

Иара убасгьы иазгәеиҭеит ашәарҭадара аусхк аҟны ҳаамҭазтәи ауадаҩрақәа шеизҳауа, иазгәеиҭеит аибашьра амҩаԥгаразы аметод ҿыцқәа анцәырҵуа аамҭазы аинвестициа дуқәагьы еснагь алҵшәа шыҟарымҵо.

Гәынба инаҵшьны иазгәеиҭеит жәларбжьаратәи аҭагылазаашьа хшыҩрҵаган иҟалар шакәу, аҭагылазаашьа ҿыцқәа рыҽрықәыршәара шхымԥадатәиу.