Chanel акреативтә директор Матие Блази амода аҩназы иӡыригеит 2026 ҭагалантәи/аӡынтәи аколлекциа. Аԥсуа ҭыԥҳа Адица Берзениа лзы Парижтәи Гран-Пале аҿы лцәырҵра аԥшьбатәи акәхеит.

Уаанӡа Адица, Блази амода аҩназы раԥхьатәи иколлекциа арбара аалыртхьан. Ари аусмҩаԥгатә аҟынтәи Адица лсахьа зну акадрқәа, Париж агәаҿы иҟоу аопера Гарние ахыбра аҭеиҭыԥш арԥшӡеит.