«Урыстәылатәи Афедерациа Аԥсны злахәу аекономикатә проектқәа жәпакы мҩаԥнагоит, урҭ иҭышәынтәалоу ашәахтәқәҵаратә шьаҭа аԥҵареи аусуратә ҭыԥқәа рхыԥхьаӡара аизырҳареи ирзынархоуп. Аҟәатәи аҳаирбаӷәаза, ахшаалыҵ азауад – арҭ зегьы ҳусеицура аҳәаақәа ирҭагӡаны идыргылаз аобиектқәа роуп», – ҳәа иҳәеит Гәынба.
Иара убасгь, иазгәеиҭеит Аԥсни Урыстәылеи рыбжьара наҟ-наҟтәи аҿиара апрограмма шышьақәгылоу.
«Аусеицура аҳәаақәа ирҭагӡаны, хымԥада, ҳаззааҭгылаша ахырхарҭақәа ыҟоуп. Уи акредит ҷыда аҭара апрограмма ацҵара, имаҷуи ибжьаратәуи анаплакра адгылара рыҭара ауп», – ҳәа иҳәеит Аҳәынҭқарра Ахада.