Ишәыдысныҳәалоит Амилаҭтә кьыҧхьи аинфомациатә-массатә хархәагақәеи рымш.
Ари арыцхә адҳәалоуп аҧсуа литература ашьаҭаркҩы Дырмит Гәлиа редакторс дызмаз раҧхьатәи аҧсуа газет «Аҧсны» актәи аномер аҭыҵра. Уи инаркны иалагеит аҧсуа журналистика аҭоурых.

Аҧсны ажурналистика амаҵ азызуаз есымша пату рықәын, аҧсуа жәлар ирылагылан, рхьаа рдыруан. Иарбан аамҭазаалакгьы Аҳәынҭқарра аргылараҿы рлагала дууп.

Аҧсны аибашьра ианҭагылазгьы аҧсуа журналистцәа адунеи иаладырҵәон аиаша, ирацәаҩуп абџьар кны аӷа иҿагылазгьы. Зыҧсадгьыл зхы ақәызҵаз ргәалашәара наунагӡа иаанхоит.
Иахьагьы ажурналистцәа аҳәынҭқарраҿы имҩаҧысуа апроцессқәа шәрылагылоуп, шәыжәлар рымаҵ жәуеит.

Ҳаҭыр зқәу аинформациатә хархәагақәа русзуҩцәа. Иҭабуп ҳәа шәасҳәоит шәааҧсаразы.

Ишәзеиӷьасшьоит шәнапы злаку аус аҿы ақәҿиарақәа, аҧсҭазаараҿы аманшәалара»