Иҟоу адыррақәа рыла, аԥжәара зыхҟьаз аԥырҩы дызҭам ахархәага акаҳара ауп.

Аҭыԥ ахь ԥшрак ҟамҵакәа инеит Аҳәынҭқарратә шәарҭадара амаҵзурақәа, Аҩныҵҟатәи аусқәа рминистрреи Иҷыдоу аҭагылазаашьақәа рзы аминистрреи русзуҩцәа.

Аԥжәара ахьыҟалаз аҵакырадгьыл агәаҭараан ирыԥшааит аԥырҩы дызҭам ахархәара аԥҽыхақәа.

Уажәазы Иҷыдоу аҭагылазаашьақәа рзы аминистрра аппарат аԥҽыхақәа зегьы агәаҭарахь идәықәырҵоит, аԥырҩы дызҭам ахархәага ахкы ашьақәыргыларазы, уи ахьҭыжьу, насгьы аԥырра ахықәкы аилкааразы.

Иҟалаз аԥжәара аԥхасҭа ҟанамҵеит. Атәыла амчратә усбарҭақәа ахҭыс ахьыҟалаз аҭыԥ аҿы русура иацырҵоит.