Аиԥыларахь ааԥхьара рыман анышәаԥшьӡы, аба аус рыдызуло аҟазацәа, амилаҭтә ҳәызбақәа, арԥшӡагақәа, аҳамҭаҷқәа ҟазҵо.

Тема хаданы иҟалеит аҭыԥантәи аалыҵ аҿиара иамоу аԥынгылақәа. Аҟазацәа ихадоу ауадаҩрақәа ирзааҭгылеит: аӡыргара азымхара, атәыла аҩнуҵҟеиԥш уи анҭыҵгьы аалыҵ аҭиразы аҭыԥқәа рыҟамзаара.

Даур Ақаҩба инаҵшьны иазгәеиҭеит аҭыԥантәи аҟазацәа адгылара рыҭара, атәыла ахаҿреи акультуреи реиқәырхара ишадҳәалоу.

«Шәџьабаа Аԥсны азы аҵак ду амоуп. Иахьа аџьармыкьа ҭәуп аҳәаанырцәтәи аҳамҭаҷқәа рыла, уи ҳҟазацәа рзы аԥынгыла ду ҟанаҵоит. Аха сара агәра ганы сыҟоуп, зхаҭабзиара ҳараку акы иаламҩашьо ҳҟазацәа рнапкымҭа егьырҭ зегьы ишрылкаахо», — ҳәа азгәеиҭеит аминистр.

Аиԥылараан алахәылацәа ажәалагала ҟарҵеит атәылаҿы иааиԥмырҟьаӡакәа аус зуа анапҟазаратә центр аԥҵазарц. Аминистр иҳәеит ишхадоу хырхарҭацыԥхьаӡа рҭахрақәа рдырра.

«Шәусуразы аҭагылазаашьақәа реиӷьтәреи аԥсуа аалыҵ акы исламҩашьо аҟаҵареи иацхраауа ашьаҿақәа еицыҟаҳҵалароуп», — ҳәа иажәа хиркәшеит Ақаҩба.