Уи инақәыршәаны Аԥсны ашәахтә система аиӷьтәразы хәыда-ԥсада Урыстәылантәи атехникатә цхыраара аҭахоит.

Атәыла аекономика ҭышәынтәаланы аҿиареи, зегьы ирбо-ираҳауа ашьақәгылареи, аусураҿы аҭагылазаашьа бзиақәа раԥҵареи рзы ашәахтә система аиҭарҿыцра аҵак ду шамоу азгәеиҭеит Даниил Егоров.

Урыстәыла Аԥсны ашәахтә усбарҭа агәаҭара-кассатә техникала еиқәнаршәоит. НДС агәаҭаразы автоматизациа зызу асистема алагалахоит, иара убас Аԥсны еиҭамҵуа амазара ашәахтәқәҵара аиӷьтәра аконцепциа аус аднаулоит.