Ацҳа ааха аиуит амшцәгьақәа рышьҭахь иҟаз аӡхыҵра иахҟьаны.

Гәылрыԥшь араион ахадара ари ауадаҩра ааԥыхразы ауснагӡатәқәа мҩаԥыргеит. Убри аан, Аԥсны аерманцәа Реилазаара ацҳа аиҭашьақәыргыларатә усурақәа рымҩаԥгара ахахьы иагеит. Аусурақәа қәҿиарала ихыркәшоуп, ацҳа еиҭашьақәыргылоуп.

«Денис Ҳаџьымба иҟаиҵаз адгыларазы гәыкала иҭабуп ҳәа иасҳәар сҭахуп. Ҳусеицура иалҵшәахеит апроект қәҿиарала ахыркәшара», – иҳәеит Аԥсны аерманцәа Реилазаара ахада Алик Миносиан.

Иара убасгьы, ҭабуп ҳәа иеиҳәеит Гәылрыԥшь араион ахада Саид Ҳаразиа аерманцәа Реилазаара иаиҭаз ацхырааразы.