Апроект иалнаршоит ажурналистцәеи атәыла аблогерцәеи Урыстәылатәи рколлегацәа рԥышәа рымырдарц. Аекспертцәа хаҭала иахьрымадоу алахәылацәа рзанааҭтә дырра еизнарҳауеит. Иаҳҳәап, ааигәа Урыстәыла адәныҟатәи аусқәа рминистрра ахаҭарнак Мариа Захарова лԥылара мҩаԥган.

Ҷолокәуа иазгәеиҭеит аԥсуа журналистцәа рзанааҭдырра аҩаӡара шыҳаракыз. Аха иҿыцу аамҭа, иҿыцу азнеишьақәа аҭахуп, иактуалтәу амыругақәа ахархәара рымазароуп.

«Ауаажәларра ҿиацыԥхьаӡа иҿыцу аметодқәеи азнеишьақәеи цәырҵуеит, ҳаргьы уи ҳхы иаҳархәалароуп», - ҳәа инаҵшьны иазгәеиҭеит иара.

Аусбарҭа анапхгаҩы игәаанагарала, атәыла амедиатә хырхарҭа аҿиара иаҿуп, уи аусура ахаҭабзиара еиӷьнатәуеит.