Акапелла ицәырнагоит аконцерттә программа "Аԥсни Урыстәылеи рмузыкатә цҳақәа" захьӡу. Уахь иаҵанакуеит аԥсуа, аурыс, аҳәаанырцәтәи ахортә музыкатә ԥҵамҭақәа. Урҭ рхыԥхьаӡараҿы иҟоуп жәлар рашәақәа: "Ахра ашәа", "Ахәра ашәа", Нодар Ҷанба ирҿиамҭақәа.
Адирижиор – Барас Кәыџба, ахормеистер — Мадина Чачхалиаԥҳа.
Аԥснытәи артистцәа ажьырныҳәа 16 рзы Нижни Новгород имҩаԥысуа Қьырсаныҳәа ахортә еизара ду иалахәхоит, ажьырныҳәа 19 рзы Москва Аиқәырхаҩ Иаса Қьырса Иныхабаа Ауахәаматә еизарақәа рзал аҿы аконцерт мҩаԥыргоит ҳәа аанацҳауеит Акультура аминистрра.