Акыр иаԥсоу ҳауаажәлар!

Минуҭқәак рышьҭахь ҳҭалоит хәыҷи-дуиҳгәыӷрақәа здаҳҳәало ашықәс ҿыц. Ииасуа ашықәс наскьаго, зегь раԥхьаӡа иалыскаарц сҭахуп иахьа иҳамоу аҭынчра. Адунеи аҿы аҭышәынтәалара анмаҷу аамҭазы, ҳара ҳхәыҷқәа  аҭынч жәҩан аҵаҟа ирызҳауеит, аҵара рҵоит.   Уи еиҳау мал ыҟаӡам-уи аиқәырхара зегьы иаҳуалуп.

Ашықәс иалагеит изаамҭанытәым Ахада иалхрақәа рыла.  Урҭ рымҩаҧысшьа зынӡа ишымариамыз, аха ҳажәлар аҟәыӷара ҳарак аадырҧшит, ҳҳәынҭқарра даҽа ԥышәарак қәҿиарала иахысит.  

Иахьа ҳҿаԥхьа иқәгылоу аус хадақәа ируакны иаанхоит - ҳажәлар реидкылара. Ҳанеидгыла, аҳәоуеиқәшәара анааҳарҧш ҳамч зқәымхо ҳәа акгьы ыҟаӡам.

Ииасуа ашықәс  ихьӡ ахын ҳҧыза ду Владислав Арӡынба. Аҧсны Аҳәынҭқарра Раҧхьатәи Ахада диижьҭеи 80 шықәса аҵра азгәаҳҭеит.

Акыр иаԥсоу ҳауаажәлар!

2025-тәи ашықәс иҭагӡаны ҳзыхьӡаз маҷӡам. Аусура иалагеит Владислав Арӡынба ихьӡ зхыу аҳаиртә баҕәаза,  рхыҿра дырҧшӡоит ҳақалақәа,  ахылаҧшра ҷыда рыҭоуп агәабзиарахьчареи, аҵарадырреи, иааҳартуеит аспорт аҽазыҟаҵарҭақәа, иҳарҿыцуеит амҩақәа.

Ҳазҭало ашықәс ақыҭа иашықәсны ирылаҳәоуп.  Ақыҭа ҳмилаҭтә хдырра иахыҵхырҭоуп, ҳбызшәеи, ҳкультуреи, ҳқьабзқәеи еиқәзырхоҭыҧуп.

Хықәкыс иҳамоуп, ҳқыҭақәа реиқәырхара мацара акәмкәан, уаҟа аԥсҭазаара ҳаамҭа иақәшәо, анхаразы иманшәаланы аҟаҵара.  

Акыр иаҧсоу ҳауаажәлар!

Гәык-ҧсык ала ишәыдысныҳәалоит ҳазҭалоуашықәс ҿыц! Еилых ҟамҵакәан сажәақәарзыскуеит Аҧсны иқәнхо ҳауаажәлар реиҧш, аҳәаанырцә иҟоу ҳџьынџьуаа. Аизҳара Анцәаиҳатәеишьааит, наунагӡа иҟалааит аҭынчра. Ҩнаҭацыҧхьаӡа иҟаалааит аизҳара.  

Ишәзеиӷьасшьоит зегьы агәабзиара, анасыԥ, аизҳазыӷьара.