1992 - 1993 шш. Аԥсны жәлар рџьынџьтәылатә еибашьраҿы иҭахаз ахәыҷқәа ргәалашәара иамшуп. Ари амш аҽны, 33 шықәса раԥхьа, Мрагыларатәи Аԥснынтәи ахҵәацәа зҭаз Урыстәылатәи авертолиот МИ-8 Тҟәарчалынтәи Гәдоуҭа ахырхарҭала иԥрит.

Ашьҭыԥраара ашьҭахь 20 минуҭ ааҵуаны, асааҭ 16.39 рзы, усҟантәи Қырҭтәыла Аҳәынҭсовет ар хылаԥшра зырҭоз Кәыдрытәи аиҩхаа аҵакыра ианахыԥраауаз авертолиот иеихсит. Ашьха икаҳаз авертолиот ԥжәеит, апассаџьырцәа аӡәгьы деиқәымхеит.

Зыԥсы шҭаз иблыз апассаџьырцәеи авертолиот аекипажи рыԥсыбаҩқәа анышә иамардеит Гәдоуҭа аиашьаратә нышәынҭраҿы.