Аҩганк иазгәарҭеит,  еиуеиԥшым ахырхарҭақәа рыла апроектқәа рынагӡараҿы ақәҿиарақәа шрымоу.

«Арҭ амшқәа рзы еиуеиԥшым аусмҩаԥгатәқәа ҳарҭаауан. Иалыскаар сҭахуп ҳазҭааз Мықә ақыҭа. Аԥсны мрагыларатәи аган атуристтә потенциал арҿиара аҵак ду амоуп ҳәа исыԥхьаӡоит. Ас еиԥш иҟоу аусмҩаԥгатәқәа, жәаҳәарада, иааидкыланы ҳтуристтә хырхарҭа мрагылареи мраҭашәареи ҳәа аиҩшара ҟамҵакәа аҿиара алнаршоит», – ҳәа азгәеиҭеит Бадра Гәынба. 

«Ҳусеицура ахықәкы хадақәа  ируакуп Аԥсны аекономика аҿиареи арӷәӷәареи. Ари имариам усуп, аха аҵыхәтәантәи ашықәсбжа иаҳнарбеит абиуџьет ахашәалахәы 30% рҟынӡа ишеизҳаз.

Хазы ҭабуп ҳәа расҳәарц сҭахуп Бадра Зураб-иԥеи  аԥсуа жәлар зегьи рысасдкыларазы», – иҳәеит Сергеи Кириенко.

Аҩганк идырҵабыргит  Аԥсны асоциал-економикатә ҿиара иазынархоу апроект ҿыцқәа аус рыдулара  ишазыхиоу.