Уажәы ихыркәшахоит аицлабра актәи етап. Аҳәынҭқарратә еилакы иҟанаҵаз аҳәарала, анапхгаҩцәа, 35 шықәса иреиҳам хҩык акандидатцәа рыхьӡқәа рҳәеит.

Ахәшьараҭаратә етап рхы аладырхәырц азы апремиа алауреатцәа иаарышьҭроуп: автобиографиа, авидеовизитка, ирыдгалоу атемақәа руак ала аессе. Аҳәынҭқарратә еилакы аусзуҩцәеи ауаажәларреи злахәу акомиссиа усбарҭак аҟынтәи аиааира згаз аӡәы далнахуеит.

Аҳәынҭқарратә усзуҩцәа ҿарацәа рнаҩсангьы, аҳамҭақәа ранашьахоит ашықәс иалагӡаны алҵшәа бзиақәа аазырԥшыз, еиуеиԥшым аспорт хкқәа рҿы иреиӷьу аспортсменцәа.