Аргыларатә усбарҭа аиҳабы Демир Гамисониа аусурақәа рцашьа атәы Аҳәынҭқарра Ахада изеиҭеиҳәеит.

Гәынба иазгәеиҭеит, аобиект астратегиатә ҵакы шамоу. Аусурақәа ҩ-етапкны имҩаԥгахоит: раԥхьа атоннель ахаҭа еиҭашьақәдыргылоит, анаҩс акәша-мыкәша иҟоу амҩақәа. Апроект ахыркәшара азԥхьагәаҭоуп 2027 шықәсанӡа.

Ҩ-ганктәи аиқәшаҳаҭрақәа рҳәаақәа ирҭагӡаны Урыстәыла афинанстә цхыраара ҟанаҵоит.

«Ҳара ибзианы еилаҳкаауеит ари амҩа иамоу астратегиатә ҵакы. Кәыдрытәи аиҩхааи ҳареи аимадара ҳцәыӡыр, ашәарҭадара иаԥырхагахоит», — иҳәеит Аҳәынҭқарра Ахада.