Аинвестициатә программа аҳәаақәа ирҭагӡаны имҩаԥысуа аиҭашьақәыргыларатә усурақәа акоммуникациақәа зегьы – аӡымҩангагақәа, аҩаршьҭрақәа, ацрыӡмҩангага уҳәа рыԥсахра азԥхьагәанаҭоит. Анаҩс ашьаҟауаа рымҩа арлашаратә усурақәа нагӡахоит, иҿыцу ацәхыԥқәа шьақәыргылахоит, акаҭран шьҭаҵахоит.

«Басариа имҩа жәшықәсала акыр игәыгәҭажьны иҟан, араҟа иҵарны иқәгылан иқәсхьаз акоммуникациақәа рҭагылазаашьа азҵаара. Уажәы «Аӡышьҭра» аӡымҩахгареи ӡыла аиқәыршәареи рзы аусурақәа мҩаԥнагоит. Аусурақәа хыркәшахароуп 2026 шықәса актәи азбжа анҵәамҭазы. Иарбоу аусурақәа ирыбзоураны Аҟәа ауааԥсыра рзы зегьы рыла иманшәалоу даҽа мҩак ҟалоит», -  иҳәеит Аҟәа ақалақь ахада ихҭыԥуаҩ Константин Ҭарба.