«Аҳҭны-қалақь ахада Ҭемыр Агрба инапынҵала есымчыбжьа агәаҭарақәа мҩаԥаагоит. Ақалақь аҿы иҟоуп хыԥхьаӡара рацәала закәантә шьаҭада иргылоу ахыбрақәа. Џьара-џьара аихагылақәа дыргылахьеит, џьара-џьара ахыбра ауасхыр ашьҭаҵара иаҿуп. Ҳара аргылара ахьымҩаԥысуа аҭыԥқәа рахь ҳнеиуеит, ахыбра аԥшәмацәа ҳаарыԥхьоит, азԥхьанҵақәа раҳҭоит, апкаанҵақәа еиқәҳаршәоит. Ас еиԥш агәаҭаратә усмҩаԥгатәқәа есымчыбжь имҩаԥысуеит», - иазгәеиҭеит Беслан Багаҭелиа.
Ақалақь архитектор хада Беслан Багаҭелиа апрокуратура аусзуҩцәеи аҳҭнықалақь аҳаблақәа рыҩнусбарҭақәа рнапхгаҩцәеи ицны изакәанымкәа иргылоу ахыбрақәа раарԥшразы планла иазԥхьагәаҭоу аусмҩаԥгатәқәа наигӡоит.