Жьҭаарамза 12, 1999 шықәсазы Жәлар Реизараҟны ишьақәырӷәӷәан акт «Аԥсны Аҳәынҭқарратә хьыԥшымра»
Жьҭаара 12, 2025
18
Акт рнапы аҵарҩит Аԥсны Ахада Владислав Арӡынба, Жәлар Реизара Аиҳабы Сократ Џьынџьал, Жәлар Реизара адепутатцәа.
Аԥсуа жәлар акыр шықәса ахьыԥшымразы рықәԥара иалҵшәан ари акт. Уаҟа иарбоуп 1999 шықәса, жьҭаарамза 3 рзы имҩаԥысыз ареферендум аихшьалақәа рыла ишьақәырӷәӷәаз ареспублика ахьыԥшымразы иамоу аҭоурыхтә зин, усҟан атәылауаа реиҳараҩык адгылара арҭеит аус зуа Аконституциа.
Акт Аԥсны Аҳәынҭқарра исуверентәу, идемократиатәу, изинтәу ҳәынҭқаррак аҳасабала астатус шьақәнаргылеит, уи азхаҵара аиуреи егьырҭ атәылақәа рҿы ҭынчрала аусеицуреи рзы иамоу агәазыҳәара аанарԥшит.