«Ҳаҭыр дууп аԥкьаҭмпыл азы XXIV Жәларбжьаратәи атурнир “Большая абхазская Шляпа – 2025” ахалархәра, бзиала шәаабеит ҳәа шәасҳәоит асасдкылара злоу аԥсуа  идгьыл аҿы!

Ҵабыргны, ари зымҽхак ҭбаау аспорттә усмҩаԥгатә аҳәаақәа ирҭыҵхьеит. Уи аԥсуа-аурыс еизыҟазаашьақәа  рыҵаулара аазырԥшуа ҿырштәы бзиоуп.

Аусмҩаԥгатә ашьаҭа зкыз Константин Фиодор-иԥа Затулин аԥсуаа рзы дҩыза иашаны дҟалхьеит. Зегь реиҳа иуадаҩыз аамҭақәа раан, ибжьы ҿацаӡа ажәлар ирылаҩуан. Аԥсуа жәлар Затулин К. Ф. илагала ду ргәалашәоит, ахәгьы ҳаракны иршьоит», – иҳәеит Гәынба, атурнир алахәылацәеи асасцәеи бзиала шәаабеит ҳәа раҳәо.