Жьҭаарамза 7, 2023 ш. Аҟәа, аинрал В. Аршба ихьӡ зху амҩа, аҩны №47 аҿы Аԥсны Афырхаҵа дахьҭахаз азааигәара, имемориалтә ӷәы шьақәыргылан.

Андреи Соловиов – Урыстәыла иналукаша афотожурналистцәа дыруаӡәкын. Асовет Еидгыла аҵакыраҿы бџьаршьҭыхлатәи аиҿагыларақәа жәпакы ахҳәаа рзиухьан. Ақырҭуа-аԥсуа еибашьраан Аԥсны изныкымкәа даахьан. Аԥсны Аџьынџьтәылатә еибашьраан Андреи Соловиов Гәымсҭатәии Мрагыларатәии афронтқәа рҿы иҟаиҵаз афотосахьақәа аибашьра ахроника ахьтәы фонд иалалеит.