«Ацентр аартра  аимадаразы платформа бзианы иҟалоит», -  азгәеиҭеит Аан Хо Енг.

Аԥсны акультура аминистр Даур Ақаҩба иқәгылараҿы инаҵшьны дазааҭгылеит Ацентр ҿыц аартра ахықәкы хадақәа ишреиуоу - Аԥсни Алада Корееи рыбжьара акультуратә усеицура аҿиара, аԥышәа еимадара, аҟазара иадҳәалоу апроектқәа рымҩаԥгаразы  аплатформа аԥҵара.

«Ари ашьаҿа ажәларқәа рыбжьара аиҩызареи аилибакаареи рырӷәӷәара иацхраауа гуманитартә усхкуп,  еицаҳзеиԥшу апроектқәеи алҵшәа бзиа змоу  адиалоги рзы аперспектива ҿыцқәа аанартуеит», - ҳәа иҳәеит Кове.