Иҭахаз ргәалашәара ҳаҭыр ақәырҵарц уахь инеит Аԥсны Ахада Бадра Гәынба, Аԥыза-министр Владимир Делба, Аԥсны Жәлар Реизара Аиҳабы Лаша Ашәба, адепутатцәа, Аиҳабыра иалоу, Аԥсны иҟоу Урыстәыла ацҳаражәҳәаҩ Михаил Шургалин, ауаажәларра ахаҭарнакцәа.

Иара убас ашәҭқәа шьҭарҵеит Аҟәа араион Аладатәи Ешыра ақыҭан иҟоу Аԥсны Раԥхьатәи Ахада Владислав Арӡынба Имемориали Очамчыра араион Џьгьарда ақыҭан Аԥсны Аҩбатәи Ахада Сергеи Багаԥшь инышәынҭреи рҟны.