Иааидкыланы иазгәаҭоуп Урыстәыла ақьалақьқәеи аҳәаанырцәтәи атәылақәа – Аԥсни, Австриеи, Монголиеи, Ҭырқәтәылеи, Чехиеи рҟны 20 инареиҳаны аконцертқәа.

Ииуль 31 азы Аԥсуа драматә театр азааигәара, ажәҩан хты аҵаҟа аконцерт мҩаԥгахоит. Асценахь инеиуеит: афестиваль ашьаҭаркҩы, аоператә шәаҳәаҩы Хьыбла Гьерзмаа, адунеи зегьаҿы еицырдыруа апианист Денис Мацуев, атеатр Ду асолист, абаритон Игор Головатенко, Антон Гришанин инапхгарала Москватәи аҳәынҭқарратә академиатә симфониатә аоркестр. Сакьаркыратә ажәала ахәылԥаз ирԥшӡоит актиор Евгени Книазев.

Амузыкатә программа азкуп Аԥсны Аҳәынҭқарра Раԥхьатәи Ахада Владислав Арӡынба диижьҭеи 80 шықәса аҵра.

«Адунеи аганқәа» ҳәа ахьӡ зауз 23-тәи афестиваль иамҽханакуеит атәыла ахы-аҵыхәа. Апроект нарыгӡоит акультуратә аԥшьгамҭақәа рзы Апрезиденттә фонди Урыстәылатәи Афедерациа акультура Аминистрреи еицыҟарҵо адгыларала.