Уахь инеит ашәҟәыҩҩцәа, ауаажәларратә усзуҩцәа, аҵара-ааӡара амаҵ азызуа, Р. Лашәриа иҭаацәа.

Ахәылԥаз ааиртит, егьымҩаԥигон акультура аусзуҩы А. Гәынба. Уи дазааҭгылеит апоет иԥсҭазаареи ирҿиаратә мҩеи.

Р. Лашәриа  имшира аҽны ибзианы дыздыруаз рахьтә ргәалашәарақәа рыла иқәгылеит Аԥсны ашәҟәыҩҩцәа Реидгыла ахантәаҩы В. Аԥҳазоу, Аԥсны абыргцәа рхеидкыла ахантәаҩы А. Думаа уҳәа егьырҭгьы. Иазгәарҭеит амилаҭтә литературеи ажурналистикеи рҟны илагала ду.

Аиқәшәараҿы Аԥснытәи ахәынҭқарратә университет астудентцәеи Аҟәатәи ашколхәыҷқәеи апоет иажәеинраалақәа  ирыԥхьеит. Ансамбль «Гәында» инанагӡеит ашәақәа.

Аҵыхәтәан апоет иԥҳа, ажурналист Е. Лашәриа ахәылԥаз еиҿызкаази зҽалазырхәызи иҭабуп ҳәа ралҳәеит.