Иқәгылаз азҵаарақәа рахьтә иҟан: Аԥсны аҩнуҵҟатәи аусқәа Рминистрреи Сириатәи Арабтә  Республика  аҩнуҵҟатәи аусқәа Рминистрреи русеицуразы Амеморандум анапаҵаҩра,  Аԥсны аиустициа Аминистрреи Урыстәылатәи  Афедерациа аиустициа Аминистрреи 2024-2025 ашықәсқәа рзы русеицура  апрограмма, иара убас Аԥсны аиустициа Аминистрра агеральдикатә дырга аҭара азҵаара. Ишьақәырӷәӷәан   ҳазҭоу ашықәс ииуль акы инаркны Аԥсны атәанчаҩцәа хазы игоу акатегориақәа  егьырҭ аҳәынҭқаррақәа рҟынтәи атәанчахәы змоуа зықь мааҭ рзацҵара.

Иара убас Аԥсны Аџьынџьтәылатә еибашьра (1992-1993) аинвалидцәа  ирзоужьуп  асоциалтә цхырааразы 150 - нызқь мааҭ инарзынаԥшуа.

Аԥсны Аминистрцәа Реилазаара аилатәараҿы иақәшаҳаҭхеит Д. Гәлиа илитература  - мемориалтә музеи азы, уи авараҿы иҟоу ахыбра   Аԥсны акультура аминистрра анапаҵаҟахь аиагара, амузеи аусура арманшәалара хықәкыс иҟаҵаны. Ирыхәаԥшын егьырҭ азҵаарақәагьы.