«Ақәҵарала уажәтәи аамҭазы Аԥсныҟа абылтәы аимпорт амҩаԥгара азы алшара змоу анаплакқәак рыла нефтаалыҵ ахкқәак рыҭираан иҿыцу анаӡаратә ахәаахәҭратә цҵақәа шьақәнаргылоит. Иарбоу ақәҵара адкылара ахымԥадатәра ҳазҭоу 2024 шықәса ԥхынгәымза 1 аҟынӡа аус зуа Урыстәылатәи Афедерациа Аиҳабыра Урыстәылантәи Аԥсныҟа абылтәы аагара хазхаҭалатәи азин зауа аагаҩ иалкааразы иаднакылаз аӡбамҭа иадҳәалахеит. Убри инамаданы, атәыла анапхгара аӡбамҭа аԥҟарақәа аамҭалатәи аҟазшьа рымоуп», - Аԥсныпресс акорреспондент диҿцәажәо иҳәеит Аминистрцәа Реилазаара Аппарат аекономикатә Усбарҭа анапхгаҩы Давид Арӡынба.
Ақәҵара инақәыршәаны, хәажәкырамза 13, 2024 шықәса инаркны иҿыцу анаӡаратә ахәаахәҭратә цҵақәа алагалахоит.
Абылтәы «Регуляр-92» аҭираан урҭ абас ала ишьақәгылоит:
8% — анефтаалыҵқәа аизакылаҭираан; 4% —Аԥсныҟа анефтаалыҵқәа хазхаҭала рекспорт амҩаԥгаразы аҷыдалкаатә зин змоу аилахәыра «Роснефти» уи иаҿыгоу анаплакқәеи абылтәы аагара азы аиқәшаҳаҭрақәа (аилаӡарақәа) зыбжьазҵаз анаплакқәа рыла аизакылаҭира ду амҩаԥгара аан; 10% — Аԥсны аҩныҵҟа иаахәаз анефтаалыҵқәа рыла азаҵәылаҭира амҩаԥгараан;
14% - Аԥсны аҩныҵҟа анефҭаалыҵ аимпортиорцәа рҟны аизакылаҭира ду аҳасабала иаахәаз анефҭаалыҵқәа рыла азаҵәылаҭира амҩаԥгараан;
18% - Аԥсны анҭыҵ иаахәаз анефҭаалыҵқәа рыла азаҵәылаҭира амҩаԥгараан; Адизельтә былтәы аҭираан:
4% - анефтаалыҵқәа аизакылаҭира амҩаԥгараан, анефтаалыҵқәа римпортиорцәа рыла анефҭаалыҵқәа аизакылаҭира ду аҳасабала рыҭирагьы уахь иналаҵаны;
6% - Аԥсны аҩныҵҟа иаахәаз анефҭаалыҵқәа рыла азаҵәылаҭира амҩаԥгараан;
10% - Аԥсны анҭыҵ иаахәаз анефҭаалыҵқәа рыла азаҵәылаҭира амҩаԥгараан;
6% - Аԥсны аҩныҵҟа анефтаалыҵқәа римпортиорцәа рҿы аизакылаҭира ду аҳасабала иаахәаз анефтаалыҵқәа рыла азаҵәылаҭира амҩаԥгараан.
Аԥсны аминистрцәа Реилазаара Ақәҵара азинмчы амоуп 2024 шықәса ԥхынгәымза 1 азынӡа.