Автор иҧсҭазааратә ҧышәагьы ыҟоуп, аҧсуа литератураҿы илагалагьы ыҟоуп. Иҟоуп ипоезиа алкаан бзиа избо аҧхьаҩцәагьы.

Ажәеинраалақәа рҿы еилыхха иубоит апоет, мамзаргьы алирикатә иҧсҭазаараҿы изцәырҵуа, ихьысуа азҵаарақәа рыҭбаара, ари иуаароу адунеи ду аҿы ауаҩытәҩса иуаҩра аҳра ауазарц шиҭаху. Араҟа иуҧылоит аҧсреи абзареи рышьхәа шеивҵоу, амреи амзеи шеикәшо ртәы зҳәо афилософиатә дунеи еилкаара иаҵанакуа ажәеинраалақәа, иҭынчу, иҟәандоу абзиабаратә гәҭыхақәа, аҧхьаҩ игәы зырхыҭхыҭуа ахәыцра ҵаулақәа, аҧсабара апоезиатә хаҿсахьақәа.